16 Апреля 2012
2012 год - Год Кнігі. Кніга - цэлая скарбонка ведаў, мудрасці, добрых парадаў. Яна вядзе нас па таемных сцежках мінулага, імкліва імчыць у будучыню, вучыць аддана служыць Радзіме, любіць родную зямлю, сваіх бацькоў; працаваць і сябраваць.
Наша кніга - вечнае святло,
Крыніца ведаў, цуд бясконцы!
І параўнацца з ёй магло б,
Відаць, у свеце толькі Сонца.
Вучні СШ №2 г.Смалявічы - члены гуртка "Юны журналіст" ДУА “Смалявіцкі РЦДТіК” (кіраўнік Графутка Г.М.) 12 красавіка пабывалі на экскурсіі ў Нацыянальнай бібліятэцы Беларусі.
З вялікім задавальненнем вучні слухалі экскурсавода, які нагадаў словы Ф.Скарыны, што ў кнізе - пачатак і канец усёй мудрасці, бо толькі праз яе можна спасцігнуць веды! У кнізе - усе законы і правы, якімі карыстаюцца людзі ў зямным жыцці! У кнізе - усе лекі душэўныя і цялесныя разам знойдзеце.